Aasman gar tere talwo ka nazara karta naat lyrics:

Aasmaan gar tere 

Aasmaañ Gar Tere Talwoñ Ka Nazaara Karta

Roz Ik Chaand Tasad’duq Meiñ Utaara Karta

Tauf e Rauza Hee Pe Chakraaye Thay Kuch Na-Waaqif

Meiñ To Aapay Meiñ Na Tha Awr Jo Sajdah Karta. 

Sarsar e Dasht e Madina Jo Karam Farmaati

Kyuñ Meiñ Afsurdagi e Bakht Ka Parwa Karta. 

Ch’hup Gaya Chaand Na Aayi Tere Deedaar Ki Taab

Awr Agar Saamne Rehta Bhi To Sajdah Karta. 

Ye Wohi Haiñ Ke Giro Aap Awr Un Par Machlo

Ult’i Baatoñ Pe Kaho, Kaun Na Seedha Karta. 

Ham Se Zar’roñ Ki To Taqdeer Hee Chamka Jaata

Mahr Farma Ke Wo Jis Raah Se Nikla Karta. 

‘Dhoom Zar’roñ Meiñ ‘Anash Shams’ Ki Par’ Jaati Hai

Jis Taraf Se Hai Guzar Chaand Hamaara Karta. 

Aah! Kya Khoob Tha Gar Haazir e Dar Hota Maiñ

Un Ke Saaye Ke Talay Chain Se Soya Karta. 

Shauq o Aadaab Baham Garm e Kashakash Rehte

‘Ishq e Gum Kardah Tuwaañ ‘Aql Se Uljha Karta. 

Aankh Uth’ti To Maiñ Jhunjlaa Ke Palak See Leta

Dil Bigar’ta To Maiñ Ghabra Ke Sambhala Karta. 

Be-Khudaana Kabhi Sajdah Maiñ Soo e Dar Girta

Jaanib e Qibla Kabhi Chonk Ke Palt’a Karta. 

Baam Tak Dil Ko Kabhi Baal e Kabootar Deta

Khaak Par Gir Ke Kabhi, Haaye! Khudaaya Karta. 

Gaahe Marham Nahi Zakhm e Jigar Meiñ Rehta

Gaahe Nashtar Zani Khoon e Taman’na Karta. 

Hamrah e Mahr Kabhi Gird e Khateerah Phirta

Saaya Ke Saath Kabhi Khaak Pe Laut’a Karta. 

Sohbat e Daagh e Jigar Se Kabhi Jhee Behlaata

Ulfat e Dast o Girebaañ Ka Tamaasha Karta

Dil e Hayraañ Ko Kabhi Zauq e Tapish Par Laata

Tapish e Dil Ko Kabhi Hausla-Farsa Karta

Kabhi Khud Apne Tahay’yur Pe Hayraañ Rehta

Kabhi Khud Apne Samajhne Ko Na Samjha Karta. 

Kabhi Kehta Ke Ye Kya Bazm Hai Kaisi Hai Bahaar

Kabhi Andaaz e Tajaahul Se Maiñ Tauba Karta

Kabhi Kehta Ke Ye Kya Josh e Junooñ Hai Zaalim

Kabhi Phir Gir Ke Tar’apne Ki Taman’na Karta. 

Suthri, Suthri, Wo Faza Dekh Ke Maiñ Gharq e Gunaah

Apni Aankhoñ Meiñ Khud Us Bazm Meiñ Khat’ka Karta

Kabhi Rahmat Ke Tasaw’wur Meiñ Hansi Aati Hai

Paas e Aadaab Kabhi Hontoñ Ko Bakhya Karta

Dil Agar Ranj e Ma’aasi Se Bigar’ne Lagta

Afw Ka Zikr Suna Kar Meiñ Sambhala Karta

Ye Mazay Khoobi e Qismat Se To Paaye Hote

Sakht Diwaana Tha, Gar Khuld Ki Parwa Karta. 

Maut Us Din Ko, Jo Phir Naam o Watan Ka Leta

Khaak Us Sar Pe Jo Us Dar Se Kinaara Karta

Ay Hasan! Qasd e Madina Nahiñ, Rona Hai Yahi

Awr Maiñ Aap Se Kis Baat Ka Shikwaa Karta. 

Khwaja E Hind Wo Darbaar Hai Aala Tera lyrics: