Duniya e Sunniyat Pe ljara Raza Ka Hai Lyric Rafique Raza Qadri

Duniya e Sunniyat Pe ljara Raza Ka Hai:

 RAFIQUE RAZA QADRI 

Duniya e Sunniyat Pe ljara Raza Ka Hai

Har Soo Jahane Ishq Me Charcha Raza Ka Hai.

Sa'at Hai Urs e Paak Ki Dulah Bane Raza
Barkaati Jaama Qadri Sehra Raza Ka Hai.

Isme Huzur e Sarware Aalam Dikhai De
Andaaze Dil Nasheen Wo Sona Raza Ka Hai.

Yaaraane Shah Ki Hai Adaa Jisme Mojazan
Wallah Dekhiye Wo Sarapa Raza Ka Hai.

Danishwarane Aql Ki Parwaaz Thak Gayi
Itni Bulandiyo'n Pe Thikana Raza Ka Hai.

Ishq e Rasool e Paak Hai Us Se Rawa'n Dawan
Deewan Hai Ke ishq Ka Dariya Raza Ka Hai.

Laa Raib ilm Wale Hain Sab Uske Khosa Chee'n
Wo Gulsitaan e lIm Fatawa Raza Ka Hai.

Lete Hi Naam Apne Paraye Ki Ho Tameez
Ahle Sunan Me Naam Hawala Raza Ka Hai.

PadhKar Ke Unko Kehna Padha Ahle lIm Ko
Jo Kuch Hai Is Sadi Me Wo Tanha Raza Ka Hai.

Duniya Ke Jis Bhi Khitte Me Jakar Ke Dekhlo
Tum Bhi Kahoge Sara laga Raza Ka Hai.

Ayewaan e Najd Ke Jo Parakhche Udha Gaya
Pur Josh Is Qadar Wo Dhamaka Raza Ka Hai.

Maslak Naya Batate Hain Sajjaade Na Ahel
Aslaaf Ka Tha Jo Wahi Rasta Raza Ka Hai.

Ghayel Huwa Hai Sinaa e Najdi Wahabiyat
Poshida Shakl e Khama Me Neza Raza Ka Hai.

Sairaab Hone Aate Hain Ushshaaq Sab Yaha'n
Kya Maiqada e Ishq Ye Rauza Raza Ka Hai.

Hamid Raza O Noori O Jilaani Azhari
Kya Shaan Wala Dekhiye Qumba Raza Ka Hai.

Nadaano Kiyu Ulhate Ho Asjad Raza Se Tum
Akhtar Raza Ka Laal Wo Pota Raza Ka Hai.

Ya Rab Sada Karam Ho Husaam o Humam Par
Inke Tufail Mil Raha Sadqa Raza Ka Hai.

Aawara Sag Nahi Hai Wafadar Hai Zaheer

Iske Gale Me Dekhiye Patta Raza Ka Hai