REHBAR O PEER E TARIQAT AKHTAR E MILLAT CHALE
Rehbar O Peer E Tariqat Akhtar E Millat Chale
Paikar E Lutf O Inaayat Akhtar E Millat Chale.
Yaadgaar E Aala Hazrat Akhtar E Millat Chale
Hum Huwe Mehroom E Neamat Akhtar E Millat Chale.
Muttaqi O Paarsa Dhuñdhe Kahañ Unsa Koi
Wo Waqaar E Ahl E Sunnat Akhtar E Millat Chale.
Dekh Kar Hazrat Ka Chehra Yaad Aata Tha Khuda
Khoobsurat Naik Seerat Akhtar E Millat Chale.
Haq O Baatil Me Tameez Unka Janaza Kargaya
Is Qadar Aayi Thi Khalqat Akhtar E Millat Chale.
Aalam E Ruhaniyat Me Shaadmani Ka Samaa
Aalam E Faani Pe Riqqat Akhtar E Millat Chale.
Aaj Har Sunni Ka Seena Hijr Mai Hai Chaak Chaak
Aah Dekar Daag E Furqat Akhtar E Millat Chale.
Arsh Par Dhoomeñ Machi Hai Marhaba Ki Aye UBAID
Farsh Hai Gamgeeñ Ba-Rehlat Akhtar E Millat Chale