AKHTAR E BURJ E HIDAYAT AAP HAIN
Akhtar E Burj E Hidayat Aap Haiń
Rehbar O Taje Shariat Aap Haiń.
Aap Mufti Aap Aalim Ba Aamal
Aashiq E Maah E Risaalat Aap Hain.
Aap Ke Rukhsaar Rashq E Rang O Gul
Gulshan E Razvi Ki Zeenat Aap Hain.
Hai Karam Baghdad Wale Gaus Ka
Aaftab E Qaadriyat Aap Hain.
Aapne Hamko Banaya Qaadri
Gause Aazam Ki Karamat Aap Hain.
Aala Hazrat Aap Ke Jadd E Kareem
Shaane Naame Aala Hazrat Aap Hain.
Noori E Purnoor Ki Noori Kiran
Mufti E Aazam Ki Soorat Aap Hain.
Ibne Jilani Miya Akhtar Raza
Sunniyat Ki Shaan O Shaukat Aap Hain.
Ho Ataa Irfan O Hikmat Aagahi
Mere Murshid Mere Hazrat Aap Haiń.