Aise the hamare peer lyrics

AISE THE HAMARE PEER

Taaroñ Me Chamakta Chaand Aur Zulmat Me Tanweer

Aise They Hamare Peer

Suraj Ki Taraha Raushan Sachhayi Ki Ek Tasweeer

Aise The Hamare Peer

Dariyaon Ke Jaisa Tha Chalna Ka Hunar Un Me

Kar Pai Na Qaid Unko Raahon Ki Koi Zanjeer

Aise The Hamare Peer

Jab Taaj E Shariat Ki Rehlat Ki Khabar Aayi

Har Jaan Pe Giri Bijli Har Dil Me Laga Ek Teer

Aise The Hamare Peer

Dam Roke Huve Duniya Sunti Thi Khitaab Unka

Tham Jaata Har Ek Manzar Jab Karte They Wo Taqreer

Aise The Hamare Peer

Khamooshi Bhi Hazrat Ki Bhari Kayi Khutbon Par

Pathhar Bhi Pighal Jayeiñ Thi Baat Me Wo Taaseer

Aise The Hamare Peer

Haq Goyi Se Batil Par Ta Umr Rahe Gaalib

Har Jang Me Wo Jeete Be Khanjar O Be Shamsheer

Aise The Hamare Peer

Kya Shan E Wila Unko Allah Ne Bakhshi Thi

Khatir Me Nahi Laye Wo Takht O Zar O Jageer

Aise The Hamare Peer

Yuñ Pardaye Aalam Par Wo Zaat Chamakti Thi

Jaise Ki Siyahi Me Ek Noor Bhari Tehreer

Aise The Hamare Peer

Rehte They Bareilly Me Par Sab Pe Thi Chashme Faiz

Tha Dast E Karam Unkaa Daanayi Ki Ek Tafseer

Aise The Hamare Peer

Wo Zeenat E Bazme Fan Aur Marja E Ahle Haq

Wo Shaah The Shahoñ Ke Aur Meeroñ Ke They Ek Meer

Aise The Hamare Peer

Hasti Me Jamaal E Haq Har Rukh Se Numaya Tha

Sachoñ Ke Liye Gulzaar Jhutoñ Pe Wo Aatish Geer

Aise The Hamare Peer

Khushbu Ke Talaffuz Par Ho Charoñ Taraf Khushboo

Wo Kehdeñ Zubaañ Se Noor To Phoot Pare Tanweer

Aise The Hamare Peer

Gar Unse Muhabbat Hai To Unki Eta'at Kar

Seerat Pe FARIDI Chal Bas Yuñ Hi Na Kar Tashheer

Aise The Hamare Peer