Yeh Kehti Thi Ghar Ghar Me jakar Halima Lyrics
Ye kehti thi Ghar Ghar me Jakar halima
Mere Ghar me khairul wara Aa gaye hain
Bade Auj par hai mera abb muqaddar
Mere Ghar Rasool E Khuda Aa gaye Hai'n.
Uthi chaarsu Rehmato ki ghataye
Mu attar mu attar hai saari fazaen
Khushi me ye jibreel nagme sunayen
Wo shafa E Rauze Jaza Aa gaye hain.
Ye zulmat se kahdo Andhere uthale
Ke hain har taraf abb ujale ujale
Kaha jinko haq ne sirajammuneera
Mere ghar wo noore khuda Aa gaye hain.
Ye sunkar sakhee aapka Aastaana
Hai Daaman pasaare hue sab zamana
Nawaso ka sadqa nigah E karam ho
Tere Dar pe Tere Gada Aa gaye hain.
Mukharab hai be shak khaleelo najee bhi
Badi shaan waale kaleemo maseeh bhi
Liye arsh ne jinke qadmon ke bouse
Wo ummi laqab mustafa Aa gaye hain.
Khuda ke karam se nakirain Aakar
Kahenge ziyarat ka muzdah suna kar
Utho behre Ta zeem noorul hasan ab
Lahad me Rasool E khuda Aa gaye hain.