Wohi Rab hay jisne tujh ko hamatan karam banaaya,
Hamein bheek maangney ko tera aastaa(n) bataaya.
Tujhe hamd hay Khudaaya.
Tumhin haakim-e-baraayaa tumhin qaasim-e-’atayaa,
Tumhin daaf’-e-balaayaa tumhin shaaf’-e-khataaya.
Koi tum saa kaun aaya.
Woh kunwaari paak Maryam woh nafakhto feeh kaa dam,
Hay ‘ajab nishaan-e-a’azam magar Aamina ka jaaya.
Wohi sab sey afzal aaya.
Yahi boley sidrah waale chaman-e-jahaa(n) key thaaley,
Sabhi mein ney chaan daley tere paaye kaa nah paaya.
Tujhe yak ney yak banayaa.
Fa izaa faraghta fansab yeh mila hay tum ko mansab,
Jo gadaa bana chuke ab, uttho waqt-e-bakhshish aaya.
Karo qismat-e-’ataayaa.
Wa ilal ilaahi farghab karo ‘arz sab key matlab,
Key tumhin ko takte hain sab karo un par apnaa saaya.
Bano shaaf’-e-khataayaa.
Arey aay Khuda key bando! koi mere dil ko dhoondo,
Mere pass thaa abhi to abhi kya huwa Khudaayaa.
Naa koi gaya nah aaya.
Hamein aay RAZA tere dil kaa pataa chalaa ba-mushkil,
Dar-e-rozah key muqaabil woh hamein nazar toh aaya.
Yeh nah pooch kaisa paayaa.
Kabhi khandah zer lab hay kabhi giryaa saari shab hay,
Kabhi gham kabhi tarab hay nah sabab samajh mein aayaa.
Nah usi ney kuch bataayaa.
Kabhi khaak par paraa hay sar-e-charkh zer-e-paa hay,
Kabhi pesh-e-dar khara hay sar-e-bandagi jhukaayaa.
Tu qadam mein ‘arsh paayaa.
Kabhi woh tapak key aatish kabhi woh tapak key baarish,
Kabhi woh hujoom-e-naalish koi jaane abr chaaya.
Bari joshishon sey aaya.
Kabhi woh chehek key bulbul kabhi woh mehek key khud gul,
Kabhi woh lehek key bilkul chaman-e-jinaa(n) khilaaya.
Gul-e-quds lehlahaayaa.
Kabhi zindagi key armaa(n) kabhi margh-e-nau ka khwaahaa(n),
Woh jiyaa key marg qurbaa(n) woh mawaa key zeest laaya.
Kahe rooh haa(n) jilaayaa.
Kabhi gum kabhi ‘iyaa(n) hay kabhi sard gah tapaa(n) hay,
Kabhi zer-e-lab faghaa(n) hay kabhi chup key dam nah thaayaa.
Rukh-e-kaam jaa(n) dikhaayaa.
Yeh tassawwuraat-e-baatil tere aage kya hain mushkil,
Teri qudratein hain kaamil unhein