30. MAST MAY ALAST
Mast may alast hay woh baadshaah-e-waqt hay
Bandaah-e-dar jo hai tera woh be niyaaz bakht hay.
Salley ‘alaa Muhammadin Salley ‘ala Muhammadin
Un ki gadaayi ke tufayl ham ko mili sikandari
Rang ye laayi bandagi aouj pe apna bakht hay.
Salley ‘alaa Muhammadin Salley ‘ala Muhammadin
Gardish-e-dour Yaa Nabi weeran dil ko kar gayi
Taab na mujh meiN ab rahi dil mera lakht lakht hay.
Salley ‘ala Muhammadin Salley ‘ala Muhammadin
Ghuncha-e-dil khilaaiye jalwah-e-rukh dikhaaiye
Jaam-e-nazar pilaaie tishnagi mujh ko sakht hay.
Salley ‘ala Muhammadin Salley ‘ala Muhammadin
AKHTAR-e-khasta taybah ko sab chaley tum bhi ab chalo
Jazb se dil key kaam lo utho key waqt-e-raft hay.
Salley ‘ala Muhammadin Salley ‘ala Muhammadin