41. AEK NAZAR MAHR-E-DARAKSHAAN-E-
JAMAAL
Is taraf bhi ik nazar mahr-e-darakshaan-e-jamaal
Ham bhi rakhtey haiN bohat muddat se armaan-e-jamaal.
Tum ne achchoN pe kiya hay khoob fayzaan-e-jamaal
Ham badoN par bhi nigaah-e-lutf-e-sultaan-e-jamaal.
Ik ishaarey se kiya shaq maah-e-taabaaN Aap ne
Marhaba sad marhaba Salley ‘Alaa shaan-e-jamaal.
Teri jaaN bakhshi ke sadqey ay maseehaa-e-zamaaN
SangreyzoN ne paRha kalmah tera jaan-e-jamaal.
Kab se baithe haiN lagaaye lau dar-e-jaanaaN pe ham
Haaye kab tak deed ko tarseiN fidaayaan-e-jamaal.
Farsh aankhoN ka bichaao rah guzar meiN aashiqoN!
Un ke naqsh-e-paa se hoge mazhar-e-shaan-e-jamaal.
Marr ke mitti meiN miley woh najdiyo! Bilkul ghalat
Hasb-e-saabiq ab bhi haiN marqad meiN Sultaan-e-jamaal.
Garmi-e-mehshar gunahgaaro! Hai bas kuch deyr ki
Abr ban kar chaaeN ge gesoo-e-Sultaan-e-jamaal.
Kar ke da’awaa hamsari ka kaise munh ke bal giraaa
Mit gaya woh jis ne ki tauheen-e-Sultaan-e-jamaal.
Haasidaan-e-shaah-e-deeN ko dijiye AKHTAR jawaab
Dar haqiqat MUSTAFAA pyaare haiN Sultaan-e-jamaal.