Zaban se kiya main kahoon aap se chupa kiya hai
Wo jaante hain mere dil ka maajra kiya hai.
Nabi ke ishq ki lazzat Bilal se poochoo
Bilal Jaante hain ishq e mustafa kiya hai.
Kaha khuda ne sare hashr bakhsh di ummat
Mere habeeb bata aur chahta kiya hai.
Gale main dekha jo patta teri gulami ka
Kaha nakiroon ne abb is se poochna kiya hai.
Mere hozor ko khud jaisa bolne wale
Tu unki zaat ke baare mein jaanta kiya hai.
Wo kiya bataiga Qur'an ke lafooz bhala
Jise pata hi nahi Shan e mustafa kiya hai.
Soona ke neeze pe Qur'an ali ke beeton ne
Bata diya hai fana kiya aur baqa kiya hai.