Kalam e UBAID e raza qadri
Be hadd Zalil o Khuwar Hoon Maula Tu bakhsh de
Tauba meri tauba meri tauba tu bakhsh de.
Main aaj beqarar hoon maula tu bakhsh de
Isyaan ke zeer e baar hoon maula tu bakhsh de.
Maghmoom o dill figar hoon maula tu bakhsh de
Sharminda kirdigar hoon maula tu bakhsh de.
Main zaar hoon nizar hoon maula tu bakhsh de.
Tauba meri tauba, tauba meri tauba
Main ne bhula diya mujhe marna hai ek din
Mar kar andheri qabar mai jana hai ek din.
Aamal ka hisaab bhi Dena hai aik din
Haan pull sirat se bhi guzarna hai aik din.
Mujrim hoon naabkar hoon maula tu bakhsh de.
Be Hadd Zalil o Khuwar Hoon Maula Tu bakhsh de
Tauba meri tauba meri tauba tu bakhsh de.
Kuch rakh saka lihaz bhi na mamnuaat ka
Kiya kiya na irtikab kya munkarat ka
Hasil na ho saka mujhe irfan zaat ka
Afsos mai ghulam raha khuwahishaat ka
Naadan hoon ganwar hoon maula tu bakhsh de.
Tauba meri tauba , tauba meri tauba
Is darje badh gayi mere dil ki ye Murdagi
Mai laa saka na apnay amal main bhi umdagi
Aur kar saka na kuch bhi ada haq e bandagi
Barbad kar gaya hoon khuda apni zindagi
Zahir main deen dar hoon maula tu bakhsh de.
Be Hadd Zalil o Khuwar Hoon Maula Tu Bakhsh de
Tauba meri tauba meri tauba tu bakhsh de.
Koi ye dekh le na yahi dhadka mujhe laga
Tu dekhta raha mujhe ehsas na raha
Mai badihaz affwo pe bhola raha sada
Be sharm ban gaya mujhe Aayi na kuch haya
Main hoon siya ha kar maula tu bakhsh de.
Tauba meri tauba, tauba meri tauba
Iqrar hai mujhe mere maula main hoon laeen
Mayoos per nahi teri rahemat se Aye Raheem
Khali na bheej der se tere Aye mere kareem
Mere gunha bhi bakhsh teri shan hai Azeem
Main bhi umidwaar hoon maula tu bakhsh de
Be Hadd Zalil o Khuwar Hoon Maula Tu bakhsh de
Tauba meri tauba meri tauba tu bakhsh de.
Kartoot dekhta hoon tu uth ta hai dil main holl
Rehmat pukarti hai ke mus haf zara to khol
La takhnatu bhi tujhko milega khuda ka qaul
Sarey gunaha dhulainge bas ik baar UBAID Bol
Ya rab main sharmsaar hoon maula tu bakhsh de.
Tauba meri tauba, tauba meri tauba
Tauba meri tauba, tauba meri tauba
Naat ebook please purchase and achieve a ishq e Mustafa sallaho ta ala alaihi wasallam
